Qlobal bazarda neft qiymətləri artıma keçdi
Cümə günü neft qiymətləri 1 dollara yaxın yüksəlib.
"Ölkə.Az" xəbər verir ki, buna səbəb Çində məhdudlaşmaların aradan qaldırılması ilə neft tələbinin artması ümidi və baş verən qış fırtınasından sonra ABŞ-da yanacaq ehtiyatlarının azalması olub.
"Brent" markalı neft fyuçersləri cümə axşamı 0,85 dollar artaraq 78,69 dollarda qərarlaşdıqdan sonra 0,94 dollar və ya 1,2% artaraq 1 barel üçün 79,63 dollar olub.
ABŞ-ın Qərbi Texas (WTI) xam neft fyuçerslərinin dəyəri 0,91 dollar və ya 1,2% artaraq 74,58 dollar/barel olub. Əvvəlki sessiyada isə "WTI" 0,83 dollar bahalaşaraq 73,67 dollarda qərarlaşmışdı.
Bununla belə, hər iki müqavilə ötən həftə ilə müqayisədə təqribən 7% ucuzlaşıb. Buna səbəb isə mümkün qlobal tənəzzüllə bağlı narahatlıqlar olub.
Könül
Ölkə.Az
